Haze algunos anyos ke
komunidades kristianizadoras
protestantes i evandjelikas
en los Stados Unidos de Norte Amerika i en el mundo
se vieron frente a frente con la "tradjika"
realidad: el misionerismo i
el kumplimiento de la orden de su
instituidor era kumplido por toda la
tierra, con eksepsion unika
de entre los ke de su medio se oridjinavan:
los djidios. Al kavo de esa realidad,
yegaron a la konklusion de ke debian bushkar la razon del problem.
"Ya akavo el tiempo que deviamos permaneser en muestras afirmasiones
acerca de los djudios, diziendo ke son un puevlo ikesh ukshe oref.
Es menester saver kvalo es lo ke haze ke sean ansi."
Al kavo del kavo diskuvrieron ke los djudios pasaron muncho saar por kulpa de
oto haish, i por esta misma razõn no davan livyanamente confianza
en los ke fueron sus eksterminadores prinsipalos, haziendo estar
sus puertas seradas para sus misioneros, i sus oídos para sus palavras.
Ama, todo kelal
yeva sus eksepsiones: descuvrieron en algun
lugar un djudio u otro convertado a su fe
ya hazia algun tiempo. (Huvieron munchos durante
la epoka de la avela nazista ke kvando ninyos fueron ocultados
por familyias kristianas, ke los criaron i edukaron en konformidad a su sistem!)
Pensaron i armararon su zad i kovarde muevo plano. Disheron unos a otros:
"Si en mosh no konfian
estes djidios sino kon koshi rab,
bién! Kon emuna oirán a esos
ke son oridjinados de su propia nasión!
Enviemos a esos que sean iglenadores de muestra emuna a sus ermanos!"
Eses povres, sin saver de la humra de sus ma'asim,
alkanzaron su matara, i dozenas de djudios fueron
yevados al kavo de su coneksión con su puevlo.
El djudio, al enkontrarse acortado de su puevlo
i de su Torá,
distante se aya del Dio.
LOS DJIDIOS"-MESIÁNIKOS NO
PUEDEN SER RECONOSIDOS COMO PARTE DE LOS DJUDIOS GENERALOS KAZO
NO BUSHKEN DEREH TESHUBÁ, tornando a la
praktica de la Torá.
Ama achik, uno que nasió de un despozado
entre dos djidios meshumadim, puede ser
tenido como "TINOQ SHENISHBÁ' LEVEN HA-GOIM",
("ninyo enzindanado entre los goim") siendo
importante ayudarlo a regresar a su puevlo
contactando entre el i un haham, o kon alguna
persona kapasitada y kalidada ke sea
conosedora.
Ofresemos con todo karinyo muestra ayuda a
aqueyos que dezeen retornar a un
djudeísmo puro y meresedor de emuná.
Muestra azhara espesiala para todo djudio: kuidado espesial deve tener el presiado vizitador al
bushkar sítios en la red sovre los temas "ANUSIM" e
"KRIPTODJUDIOS", pues munchos de esos sítios son mantenidos
por organizasiones misioneras direksyinonadas espesialmente a djudios ke de saveren seren los "anusim" mas levyianos a sus predikas,
a eyos favlan con orma i konstansia.
Una vez más ofresemos muestra ayuda en el
berur de puntos komplikados relasionados
al kazo.
Puntos oscuros sovre oto haish
del kualo predikan por todo el mundo - bien
komo berurim sovre kuales son las
vedraderas karakteristikas del
Untado promesado a Israel - no serán
transkritas aki solamente por bushkarmos evitar el ser
menospresiyadores a los miles de goim que piensan aver
kumplidas las nebuot de los nebiim muestros en el
ombre en lo kualo insisten los citados
mesiánikos ke se dizen "djudios" e se azen yamar
"mesiánikos". Apezar de konsientes de su
enganyo hamur, en nada pretendemos consertar al
mundo con banas diskusiones que solamente
portarán en si misma mayor nivel de inkompreensión
entre las nasiones
y los puevlos. Eskrivimos aki sovre el kazo, es
unicamente por preocupasió por las víktimas
del shemad direksionado a los djidios.
Eskrivímos!